جوله حول العالم - من بكين الي الدويقة يا قلبي لاتحزن

كنت في يوم في اوواخر الصيف قاعد بتفرج علي التليفزيون وبقلب قنوات الوصله فجاه لاقيت قناه فيها حاجات غريبه

بس كان واضح لي ان في استاد يعني .. المعالم الاساسية بتاته بتقول كده الغريب الحاجات اللي كانت جواه .. لاقيت بني ادميين بس كلهم شبه بعض وبيعلوا حاجات شبه بعض افتكرت علي طول ان دي دورة الاعاب الاوليمبية بكين 2008 اللي كنت بتفرج علي شعب الصين ساعه لما عرفوا انهم فازوا بتنظيمها وكنت مستغرب جدا وقلت الناس دول شكلهم مجانين علي ايه يعني ده كلو ولا هما فرحانين علشان لاعيبه الكورة حيروحوا عندهم

المهم.... قلت انا اتفرج يمكن تكون الحفله حلوة بس بعد ما بدات اتفرج حسيت ان انا غبي او ان انا من كوكب تاني البني ادميين اللي كانوا في الصورة لاقيتهم بينوروا لا مش كده وبس بيجروا في الهوا وصواريخ بتتحرك بمزاجهم علشان تنور الشعله لا وايه عيال صغيرة بترسم في الارض ولا دافنشي في زمانه بيني وبينك انا قلت دي فرصه اقول لصحابي يتفرجوا ويفهموني ايه اللي بيحصل اتصلت بواحد صاحبي لاقيته عارف بالموضوع كله قالي ياعم دي دورة الاعاب بتاعه بكين ده احنا مشاركين فيها سكت شويه وافتركت تاني ايام تصفيات المنتخب اللي بيخرج علي طول من التصفيات بصراحه فرحت ان احنا مشاركين وسالته قلتله كرم جابر معاهم صح قالي اه طب وبوجي قالي الابطال كلهم هناك بس يالا تابع علشان بيقولوا ان احنا حناخد كام ميداليه دهب

كنت كل يوم استني في شريط الاخبار يقو ان احنا اخدنا ميداليه مفيش يوم والتاني والتالت سالت صاحبي قلتله ايه الحكايهفين مصر ياعم قالي موجوده بس بنخسر قلت يامسهل تلاقي الجماعه بتوع اثينا لسة بداوش علشان يجيبوا لنا كام حته دهب المهم بعدها بكام يوم تانين بسال صاحبي برضه قالي بكره حفل الختام ... اتخضيت قلتله امال فين مصر ياعم مفيش ميداليات ولا ايه ضحك وقال ما احنا جبنا برونزي الكابت هشام مصباح جابلنا ميداله برونز قلت لامي خليتها تزرعط ووزعنا الرشبا علي الحته هشام جاب البرونز يا ولاد

ما علينا عدي الاوليمبياد واتفرجت وكتمت جوه نفسي وقلت انا مش حفكر هل احنا ممكن يوم نعمل حاجه زي كده لاني لو فكرت في كده اخاف علي نفسي مكن اتجنن طب اسال نفسي احنا ممكن في يوم ناخد المركز التناي ولا حتي العاشر لاقيت نفسي برد علي نفسي واقول اسكت يا مجنون حد يسمع ويقول علي بتخرف

المهم سكت وعيشت حياتي عاادي

يجي عليا من فتره اصحي الصبح الاقي الناس بتقول القووو مجلس الشوري ولع قلت ياساتر يارب استها معانا يارب

دامغي ودت وجابت وقلت انتخابات لاعضاء بدل اللي ماتوا وفلم كبير لكن الحمد لله جت سليمه وجت في عسكريين مطافي راحو فداء الوطن وفداء وقلت اتابع عمرو اديب حيقول ايه لاقيت كل مسؤل يجيبه يقول الحمد لله مجلس الشوري سليم وحيلحق الدورة الجايه والخسار بسيطه كام مليون حيرجعوا العمليه زي ما كانت واحسن وبعدها يقول جمله تستفزني اوي يقول مجلس الشوري من اهم المباني التاريخيه في مصر ....

طب بالذمة افهم انا ايه من الجمله دي يعني هو متحف ولا ايه ؟ مش عارف طب طالما هو تاريخي حيصحوه لي ما ينقلوا الحاجات اللي فيه اي متحف تاني واهو متحف القاهرة مش بعيد بس ايه بعد ما طفوا الحريق في يومين والريس كل شويه بياسل انا قلبي استريح لاقيت ان الريس معانا وبيعرف الحاجات اللي بتحصل في مصر زينا وقلت خييير الريس حيامر بان الامن يشد حيله في كل حته ومش عايزين قلق .

ما عليــــنا تمر الايام ويجي علينا يوم اسود مهبب بستين نيله صحيت الصبح بقلب التليفزيون عادي برضه لاقيت علي الجزيرة المذيعه بتقول هذا ولم يصل احد من رجال الانقاذ حتي الان لمكان الحاث ... اول ما قالت كده شكيت ان الموضوع ده عندنا طالما ما حدش راح ولسة وحادث قلت ربنا يستر

قريت في الشريط الاخباري ( سقوط صخري علي منطقه سنيه بالقاهرة يؤدي لوقوع ضحايا ) قلت ياساتر يارب

وفي حته اسمها الدويقة بيعيش فيها اكتر من خمسمائة نسمه كلهم ساكنين في حاجات عبارة عن عشش لو شفت فيلم حي ميسرة حتعرف الشكل بالظبط المهم الناس دي انا شفتهم قبل كده واستغربت للموقع اللي ساكنين في الحته دي موجوده بين جبلين صخريين وفوقيهم صخره كبير طبعا ماحدش فاهم حاجه والله هي حته غريبه جدا وما ينفعش تروح لها برجلك ولا بعربيه ولا حتي بطيارة مش عارف الناس اللي هناك بيروحوا ازاي

طبعا قعدت يومين اسمع اخبار عمليات الانقاذ طلعوا كام واحد اخ خبر وصلوا ل 101 بني ادم وكفايه علي كده طلعوا كام واحد وكده رضا بارك اللهم فيما رزق وبيقولوا في تقارير ان في كام صخرة ممكن تقع اليومين اللي جايين والناس مفروض تخلي بالها يعني يشيلوا حديد علشان لما الصخرة تقع عليهم يسندوها ماااااا علينـــــــــــــــــــــــا

عدي كام يوم وصحيت الصبح ...... مش عارف انا حبطل اصحي الصبح علشنا ما اسمعش اخبار من دي ... المهم قريت ان في شويه اجبان اتخطفوا في رحله سفاري ومطلوب فديه قلت حلة يالا بئة يا مخابرات ورينا الشطاره بس ايه طلعوا جامدين اوي قالوا انهم في الجنوب عند السودان وبعدها قالوا راحوا ليبيا

السودان قالت اللي ليه حاجه يجي يدور عليها ولا رحنا ولا جينا

المهم اهة حادث والسلام

اخيرا يوم السبت بالليل مش الصبح بتفرج علي عمرو اديب لاقيته بقول الحقوا ياجماعة المسرح القومي ولع

انا سرختت وقلت لااااااااااااااا انا مش حسكت لازم ادعي بس اقول ايه

لاقيته بيحل المشكله وبيقول ياجماعه تعالوا نجيب كا شيخ طاهرين من الجدعان وندعي كلنا بس في نفس واحد نقول ايه بئة في الدعاااء

يالا كل واحد يقول اللي في نفسه ومن غير صوت علشان ما حدش يروح الدويقة

ويجعله عامر