جوله حول العالم - بحبك يا زمالك

بحبك يازمالك . اغنيه لما سمعتها تحركت في كثير من الاحاسيس اغلبها متناقضة فانا اهلاوي جدا لكن اللي بيحصل في الزمالك بجد لا يسر عدو ولا حبيب مش حقول الكلام الوردي ايه لازم نكون لا اهلي ولا زمالك المهم المنتخب بس اللي عايز اقوله حاجه ... هو اشمعنه الزمالك بالذات اللي بيحصل فيه كده ، يعني عمرنا ما سمعنا عن حل مجالس بهذه الطريقه في الاسماعيلي ولا الاتحاد ولا المصري ولا حتي المنصورة اللي كانت مليانه مشاكل طب ايه الحكايه ؟؟؟؟؟؟؟؟؟؟؟؟؟

بس هي القصة ان الاهلي مش حيسيب الزمالك يعلي ابدا وايده طايله وحيخلي الزمالك طول عمره تحت طبعا القصة مش لاعيبه ولا حاجه بس القصة هي ان اللعبه كلها اصبحت لعبه عصابات ومحكام وضرب تحت الحزام

بصوا ياجماعه في اوروبا عندهم مبدا متفقين عليه لو سابوا الفرصه لاي قاره تانيه خصوصا افريقا انها تكبر يبئة بكره مش حيلاقوا لاعيبه رخيصة وبعدها بيومين مش حيلاقوا بطولات ، هو ده اللي بيحصل بين الاهلي والزمالك لو الاهلي ساب الزمالك يكبر مش حيلاقي لاعيبه ببلاش بالرغم ان ده مش موجود لكن الاكيد انه مش حيلاقي بطولات بالرغم ان الاهلي اكبر من كده ...

نعمل وقفه ونقول .......... احنا ليه بندخل الاهلي في الموضوع تعالوا نحسبها واحده واحده

لو جماهير الزمالك كلها وبقول كلها اللي هما موجودين في كل مكان في مصر بس دلوقتي لان كمان فترة مش حنلاقيهم وحيكونوا زي جماهير الترسناه الله يرحمه المهم لو جماهير الزمالك كلها صفت نفوسها وحبت فريقها اكيد والله الوضع حيتغير

رد وقول ازاي دي الجماهير للتشجيع بس طب بص ياسيدي هما الاعضاء دول منين ؟ ما هما من الجماهير ولو في عضو فاسد اسهل حاجه دلوقتي تقدر تشطب عضويته

العمليه يا جماعه من الاخر اكبر بكتير من مرتضي وممدوح وحسن بيه صقر

الموضوع دلوقتي اصبح ارادة شعب . شعب الزمالك .

لو بجد شعب الزمالك عايز بطولات عليه يغير اعضاء النادي اللذين يسعون للفساد في اي فرصه اما لو لم يستطيعوا فعل ذلك فاهلا بترسانه جديد ولننتظر عشرات السنين في انتظار قطب جديد للكرة في مصر

ويجعله عامر